Паслы еўрапейскай моладзі (YEAs) – гэта дынамічная еўрапейская сетка, якая аб'ядноўвае актыўную моладзь ад 16 да 26 гадоў з Азербайджана, Арменіі, Беларусі, Грузіі, Рэспублікі Малдова, Украіны і дзяржаў-членаў ЕС.
Яны разам распавядаюць пра супрацоўніцтва з ЕС у рэгіёне, дапамагаюць у распрацоўцы моладзевай палітыкі і працуюць на карысць будучыні.
Ініцыятыва ўзнікла ў 2016 годзе ў рамках праекта «Усходняе суседства ЕС» (праграма «Адкрытае суседства»).
У 2020 годзе маладых паслоў ужо 700, гэта моладзь 34-х розных нацыянальнасцей з шасці краін Усходняга партнёрства, 27-мі краін-членаў ЕС і Вялікабрытаніі.
Паслы еўрапейскай моладзі – гэта студэнты, маладыя спецыялісты і моладзевыя лідары. Яны выступаюць валанцёрамі і ўдзельнічаюць у сотнях мерапрыемстваў па ўсіх краінах-удзельніцах і анлайн. Больш падрабязна пра іх можна прачытаць тут.
Ініцыятыва YEAs прапануе магчымасці для валанцёрства, кар'ернага росту і моладзевага лідарства. Паслы моладзі ўдзельнічаюць і дапамагаюць арганізаваць:
-
Мерапрыемствы ЕС, уключаючы еўрапейскія моладзевыя форумы, канферэнцыі Усходняга партнёрства, навучальныя паездкі і семінары па ўсім рэгіёне і ў дзяржавах-членах ЕС.
-
Экспертныя трэнінгі, каб пачуць аб ключавых еўрапейскіх тэмах непасрэдна ад экспертаў, якія на прамую імі займаюцца, уключаючы службовых асоб ЕС, дыпламатаў, журналістаў, прадстаўнікоў грамадзянскай супольнасці і кампаній.
-
Трэнінгі YEA, дзе трэнерамі, настаўнікамі або кансультантамі могуць выступаць самі маладыя паслы. Яны дзеляцца ведамі і вопытам з аднагодкамі.
-
Грамадскія мерапрыемствы і актыўны ўдзел анлайн — гутаркі, семінары, марафоны ідэй, віктарыны, сустрэчы, школьныя візіты, кірмашы, дні Еўропы ці «жывыя» дэбаты ў Instagram, анлайн-бінга, кампаніі ў сацыяльных сетках, улогі, тэйковеры і многае іншае.
Як Пасол еўрапейскай моладзі, ты зможаш пазнаёміцца з аднадумцамі і развіваць асабістыя навыкі. Ты пазнаёмішся з маладымі людзьмі з такімі ж ідэямі і інтарэсамі са сваёй і іншых краін. Ты будзеш падарожнічаць па ўсёй краіне і размаўляць пра Еўрапейскі саюз, яго партнёрства з тваёй краінай і магчымасці, якія ён прапаноўвае. Усё гэта палепшыць твае навыкі каманднай працы, рашэння праблем, працы з людзьмі і лідарства. Гэта важныя надпрафесійныя навыкі для тваёй будучай кар'еры!
Праз актыўны ўдзел ты пакажаш сябрам, сям'і і краіне, у якой супольнасці хацеў бы жыць. Ты зможаш пашырыць магчымасці людзей вакол і аказваць уплыў на іх жыццё!
І ў рэшце рэшт самае галоўнае, як Пасол еўрапейскай моладзі, ты атрымаеш магчымасць завесці сяброў, падзяліцца сваімі ведамі і вопытам або проста адкрыць для сябе навакольны свет!
Ініцыятыва «Паслы еўрапейскай моладзі» з'яўляецца добраахвотнай, узнагароджанне не прадугледжваецца.
Выдаткі на арганізацыю дзейнасці YEAs пакрываюцца праектам «Усходняе суседства ЕС». Гэта ўключае, напрыклад, наведванні школ і ўніверсітэтаў для правядзення інтэрактыўных семінараў, экалагічныя мерапрыемствы, такія як пасадка дрэў, удзел у міжнародных мерапрыемствах за мяжой і многае іншае.
Можна падаваць заяўку, калі:
-
ты грамадзянін адной з шасці дзяржаў-членаў ЕС або ўсходніх краін-партнёраў (Арменія, Азербайджан, Беларусь, Грузія, Рэспубліка Малдова, Украіна)
-
табе ад 16 да26 гадоў
-
у цябе добры ўзровень англійскай мовы
-
ты цікавішся ЕС, партнёрствам і супрацоўніцтвам паміж ЕС і сваёй краінай
-
ты цікавішся грамадскай дыпламатыяй і інфармацыйнай дзейнасцю, гатовы дзяліцца ведамі, вопытам і інфармацыяй
-
ты хочаш, каб твая супольнасць і краіна развіваліся
-
цябе цікавіць валанцёрская дзейнасць, ты гатовы прысвяціць час грамадзянскай актыўнасці.
Азнаёміцца з поўнымі крытэрыямі адбору і часта задаюць пытанні можна тут.
Каб падаць заяўку, трэба ЗАПОЎНІЦЬ КАРОТКУЮ ФОРМУ.
Пасля атрымання інфармацыі нашы рэгіянальныя і нацыянальныя каардынатары ў ЕС і ў шасці ўсходніх краінах-партнёрах звяжуцца з табой і пракансультуюць пра наступныя крокі.
Увогуле, працэс падачы заявак просты і складаецца з запаўнення формы выражэння зацікаўленнасці і прахаджэння кароткага квіза. Увесь гэты час ты будзеш на сувязі з Нацыянальным каардынатарам сваей краіны, які дапаможа табе актыўна ўдзельнічаць ў мерапрыемствах Паслоў.
Заяўкі разглядаюцца чатыры разы на год, у канцы кожнага квартала, але ўжо ў статусе кандыдата ў цябе будзе, чым заняцца.
Як толькі пачаўся працэс атрымання статусу Пасла еўрапейскай моладзі, табе прызначаць настаўніка.
Каб стаць Паслом еўрапейскай моладзі, трэба прайсці пэўныя этапы. Першы з іх — выказаць зацікаўленасць. Неўзабаве пасля гэтага з табой звяжуцца нацыянальныя прадстаўнікі з тваёй краіны. Затым пачынаецца этап праверкі, які складаецца з праграмы настаўніцтва і запаўнення пакета заявак, у тым ліку трэба будзе прайсці тэст. Заключны этап — гэта ўзгадненне кандыдатаў. На гэтым этапе, акрамя праекта «Усходняе суседства ЕС», тваю кандыдатуру будуць разглядаць і зацвярджаць некалькі зацікаўленых бакоў, такіх як Прадстаўніцтва ЕС у тваёй краіне і Еўрапейская камісія. Можа падацца, што гэта доўгі працэс, але на самой справе ўсё прасцей, чым здаецца!
Новыя Паслы моладзі будуць зацвярджацца чатыры разы на год, у канцы кожнага квартала. Колькі часу працэс зойме асабіста ў цябе залежыць ад твайго прагрэсу, а таксама ад таго, у які час года была пададзеная заяўка. Гэта можа быць ад аднаго да трох месяцаў максімум.
У Беларусі 76 Паслоў еўрапейскай моладзі. Каб пазнаёміцца з імі, націсні тут!
На сённяшні дзень YEAs у Беларусі арганізавалі і прынялі ўдзел у больш чым 50 мерапрыемствах. Напрыклад, нядаўна Паслы еўрапейскай моладзі арганізавалі ў Беларусі канферэнцыю “Прастора магчымасцей”, дзе расказвалі пра адукацыйныя і валанцёрскія магчымасці ў ЕС для маладых беларусаў. Яны таксама падрыхтавалі гайд для старшакласнікаў і студэнтаў, каб дапамагчы ім арыентавацца ў інфармацыі.
Прыклады мерапрыемстваў
-
наведванне школ і універсітэтаў для абмену ведамі пра ЕС і магчымасці, якія ён прапануе моладзі
-
мерапрыемствы па ахове навакольнага асяроддзя
-
міжнародныя мерапрыемствы і мерапрыемствы, звязаныя з грамадскай дыпламатыяй
-
сацыяльныя пытанні
Вы можаце ўбачыць іх у дзеянні тут
ТАК! Нават калі ты не Пасол еўрапейскай моладзі, можна прыняць удзел у мерапрыемствах, арганізаваных YEAs! Цікава? Калі так, то вось як можна атрымліваць актуальную інфармацыю:
-
Упадабай і далучыся да EU NEIGHBOURS east старонкі ў Facebook – мы рэгулярна паведамляем аб новых магчымасцях далучыцца да дзейнасці Паслоў еўрапейскай моладзі ў тваёй краіне!
-
Далучайся да сеткі "Маладыя еўрапейскія суседзі" ў Facebook – будзь ў курсе дзейнасці Паслоў еўрапейскай моладзі і далучайся да конкурсаў і віктарын!
